قولنا اننا في اخر سوينج صاعد للموجه الخامسة وبالتالي أي علامات ضعف ستظهر حنكون انهينا الموجه الصاعدة واننا حنشوف موجه تصحيحيه كبيره شويه (الكلام ده مكتوب بالحرف في التقارير السابقة من اكثر من شهر)

وبناء عليه بدأت اخفف من المراكز المفتوحة في السوق وتخارجت نهائيا بكسر 10950 اللي كانت بالنسبه ليا التريجر او اشاره تأكيد انتهاء السوينج الصاعد و بداية التصحيح،

ومع متابعه السوق كما نوهت مسبقا لتحديد مستهدفات الموجه الهابطة الحالية، ومع قرب انتهاء اول فرع منها قولت علي الصفحه انني بدأت بتكوين مراكز شرائية طبعا مع حساب عامل المخاطرة (ما هو برضه لازم تبقي فاهم انه علم احتمالات وليس يقين)

وانا حاليا بتعامل مع المراكز اللي فتحتها علي أساس انه صعود تصحيحي لغايه ما يثبت العكس

طبعا زي مانتو عارفين كل سهم له موجات مختلفة وممكن يكون مختلف عن السوق بشكل عام ولكن لازم تكون متاجرتك في السوق في نفس سياق الاتجاه العام علشان تقلل المخاطرة

الكلام ده انا بقوله ليه ؟؟ مش علشان أقول اني كنت عارف ان السوق حيعمل ايه ؟؟

اكيد طبعا لأ ومفيش حد مهما بلغ من العلم يقدر يجزم بحركة السوق

ولكن علشان تبقي عارف ان أي قرار بتاخده في السوق لازم يكون مبني علي أساس وتصور فني انت شايفه علي الشارت

مع حساب انك ممكن تكون غلطان

وهنا تكون فايدة الاستوب لووس او وقف الخسائر اللي بطبقه لما بيكون تصورك غلط .

وانت كمان لازم تكون قرارتك في السوق مبنيه علي تحليل منطقي ولا تتعامل مع السوق بالعاطفة والتمني

السوق هابط وبانيك يبقي السوق رايح في داهيه ورايحين لل5000

السوق صاعد وتجريات وسيوله في الأسهم يبقي رايحين لل20000 ,, تعامل بمنطقيه وبناء علي المعلومات المتوفرة لديك في الشارت وبس !

بالتوفيق والأرباح للجميع

(وجهه نظر شخصية غير ملزمة لأحد )