EGX 30 (16- 09 -2021)

التقارير الفنية الأسبوعية لسوق الأسهم المصري

EGX 30 (16- 09 -2021)

☆ التقرير الأسبوعي لمؤشر البورصة المصرية ☆
EGX 30 (16- 09 -2021)
خلينا التقرير ده نتكلم بشكل مختلف شويه علشان نفهم الصورة كاملة 👌
الأول بص علي الشارت المرفق ،، حنلاحظ ان السوق كون قمة بتاريخ ٢ سبتمبر عند مستويات ١١٣٢٢
ولو كنت متابع التقارير السابقه وقتها قولنا اننا وصلنا لمنطقة المستهدفات للموجة الصاعدة اللي بدأت من قاع ٩٧٩٦ بتاريخ ٢٠ يونيو ،، ووقتها كان من المرجح استكمال الصعود لحدود مستويات ١١٥٠٠ الي ١١٦٠٠
ونصحنا بتخفيف المراكز وجني الأرباح مع كل صعود للحفاظ علي المكاسب المحققة
طيب ايه اللي حصل بعدها ، من الواضح ان السوق اكتفي بتحقيق قمة ١١٣٢٢ وبدانا نصحح بموجة ثلاثيه الي اسفل ABC
الموجة الهابطة A وصلنا الي مستويات ١٠٩٥٤ ،، والتي بدانا من عندها تصحيح لاعلي بالموجة B والتي صححت الي نسبه ٧٨.٦٪ من الموجة A
المؤشر حاليا يتحرك في الموجة الهابطة C
والتي كسرت طبعا خط الاتجاه الصاعد الحالي كما موضح علي الشارت
طيب ايه هو مستهدف الموجة الهابطة الحاليه ،، المستهدف المرجح الحالي انتهاء الموجة الهابطة في حاله تأكد كسر قاع السوينج الأخير عند ١٠٩٥٤
عندنا منطقة مستهدف وكلاستر حول دعم ١٠٨٧٦ ،، وهي منطقه مستهدف تتوافق مع دعم قوي وأيضا دعم متوسط المتحرك ٥٠ ،مما يجعلها منطقة دعم قويه مرجح الارتداد منها
بالاضافه لوجود مستهدف زمني لتكوين قاع الموجة الهابطة بتاريخ ٢٠ سبتمبر (يعني علي جلسة يوم الاثنين)
وأيضا ده يتوافق مع وضع مؤشرات العزم التي يسمح لها بالوصول الي مناطق التشبع البيعي لاعاده الالتفاف لاعلي وبدايه موجة صاعده
 

يبقي حتي الان من المرجح الارتداد من الكلاستر حول ١٠٨٧٦ ،، ولكن الأهم وقتها متابعة السلوك السعري للموجة الصاعدة المتوقعة للحكم علي استكمال الاتجاه الصاعد وكسر القمم الاخيره او التحرك في شكل تصحيحي عرضي .
يبقي من المهم انك تبقي فاهم انت واقف فين من الصوره الكبيره وكمان تعرف انت بتاجر علي انه تدريج زمني يعني انت مضارب ولا مستثمر متوسط الاجل ،، يعني مثلا علي المدي المتوسط السوق لسه لم يكسر الاتجاه الصاعد طالما فوق ١٠٦٨٣ وده قاع السوينج الهابط علي الويكلي ،،
طيب السوق حيروح فين وحيوصل لكام ؟ صدقني مش مهم تعرف او تتوقع السوق حيعمل ايه !!
انت دورك انك تتعامل مع المعطيات اللي السوق بيدهالك وان تتعامل مع الاتجاه الحالي الي ان يثبت العكس ،، وان يكون عندك ترجيح مشروط بعوامل معينه لابد من تحققها محصلش يبقي يكون عندك المرونة الكافية انك تغير وجهة نظرك او تصورك ….
انت داخل السوق علشان تتاجر مش تتوقع او تتمسك بوجهة نظر معين ،،، حلل اللي انت شايفه قدامك واعمل خطة متاجرتك علي اساسه …
طولت عليكم 😁 معلش كنت لازم اقولك الكلمتين دول من باب الامانه ،،
بالتوفيق والأرباح للجميع 🥰🥰
(وجهه نظر شخصية غير ملزمة لأحد )