☆التقرير الأسبوعي لمؤشرات البورصة المصرية ☆
2022-01-01 2021-12-31 23:56☆التقرير الأسبوعي لمؤشرات البورصة المصرية ☆
☆التقرير الأسبوعي لمؤشرات البورصة المصرية ☆
احمد موسي 
☆التقرير الأسبوعي لمؤشرات البورصة المصرية ☆
المؤشر الثلاثيني EGX30اغلق المؤشر علي اسبوعي وشهري عند مستويات 11949 بنهاية جلسات الأسبوع الماضي
كما اشرت بالتقرير السابق ،،ان المؤشر مرجح لاستكمال الصعود بعد الاغلاق الايجابي اعلي مستويات 11675
وايضا اشرنا ان المؤشر عنده مقاومة عند المستويات 11854 الي 11880 ،، ارجع كده للشارت وشوف المؤشر وقف فين بالظبط عند نفس الكلاستر المشار له لمده خمس جلسات !!
وبرضه قولنا ان تلك المستويات بالرغم من انها كلاستر مقاومات الا ان المؤشر مرجح لاخترقها واستكمال الصعود للمستهدف اللي بعده
وده اللي حصل بالظبط ،،اغلاق الاسبوعي عند 11949 
ممكن ترجع تشوف التقرير السابق وتشوف الكلام ده صح ولا ايه ؟؟
عموما الحمد لله ،، لو راجعت التقارير السابقه كلها حتلاقي بترجيح عالي جدا ،، بديك المفاتيح لحركة المؤشر 
طيب خلينا في اللي جاي دلوقتي … وابقي راجع انت التقارير السابقه براحتك 
كما موضح علي الشارت ،، عندنا كلاستر مهم جدا خلال المرحله القادمة ،، وهو المستويات 12026 الي 12070
المنطقة ديه حنسميها منطقة الغام ،، لابد من متابعة السلوك السعري عندها
ولكن من المرجح اننا حنشوف هبوط من عندها ،، ممكن نطلع فوقها شويه ولكن غلبا حنريح من حول الكلاستر ده ،، خصوصا مع وصول مؤشرات العزم لمناطق التشبع الشرائي ،،
علي حسب شكل الهبوط المتوقع ،، حنقدر نحدد الخطوه اللي جايه للمؤشر
ولكن خلي بالك ،، لو راجعت الفيديو اللي عملته قبل كده عن تحليل الصوره الكبيره ،، (حتلاقيه علي قناه اليوتيوب)
حتي الان الصعود من قاع 8113 (قاع كورونا) هو صعود تصحيحي للسوينج الهابط الميجور
يعني من المرجح من بعد انتهاء الموجة الصاعده الحاليه اننا نشوف موجة هابطة كبيره .
خلي الكلام ده احتمال قائم في دماغك ,,
علشان كده المتداول المحترف في الحاله ديه بيقوم بتقريب مستويات حمايه الارباح مع كل صعود في اسهمه او المؤشر
حتي الان تعتبر مستويات 11550 ،،هي مستويات حمايه الارباح ،،
يليها مستويات 11440. مستويات وقف خسائر نهائية
المؤشرالسبعينيي EGX70اغلق المؤشر علي مستويات 2201 ،
لا جديد في تحليل المؤشر عن التقرير السابق ،، اسهم المؤشر السبيعيني مازلات تتحرك في نطاق ضيق جدا ،
من الممكن ان نعتبرها اشاره ايجابيه عل يالمدي المتوسط ،(volatility contraction) في الغالب بعدها بتكون فيه حركة سريعة وقويه في اي من الاتجاهين ،، وان شاء الله من المرجح ان تكون لاعلي (volatility expansion )
الارقام والمستويات الهامه موجوده علي الشارت المرفق ،، لو عايز تفاصيل اكتر ممكن ترجع للتقرير السابق
☆إخلاء المسئولية☆
هذه الرؤية الفنية وما بها من معلومات مجرد وجهة نظر شخصيه في اعتقادي أنها عادله ودقيقه ومبنية على أسس التحليل الفني، وهي لا تعد توصية بالشراء والبيع او اتخاذ اي قرارات استثمارية أو وعد بتحقيق أرباح مؤكدة.
