برجاء مراجعة التقارير السابقة علشان نفهم السياق ،خصوصا التقرير المصور (فيديو)

زي ما اوضحنا مسبقا ان المؤشر وصل لمناطق كلاستر مقاومات ومستهدف مرجح للموجة التصحيحية عند مستويات 12070 ، والتي بدآ من عندها الهبوط

من الاشارات السلبيه اثناء السوينج الهابط الحالي ان المؤشر كسر الترند الصاعد اللي رسمه من قاع سبتمبر الماضي عند 10280 ،، والتي توافقت مع كسر كلاستر المقاومة السابقة (واللي كان دعم قبل كسره) عند 11850 ، كما موضح علي الشارت

تمام كده ،، ارجع تاني بص علي الشارت المرفق ،، هل المؤشر اكد اننا كسرنا الاتجاه الصاعد السابق ؟؟

في الحقيقة في علامات ضعف وترجيح علي ذلك ،

ولكن علي المدي المتوسط ،علشان ناكد كسر الاتجاه لابد من الاغلاق اسفل مستويات 11440 ثم المستوي الاهم وهو 11179،، وااللي لو حصل حيكون اشارة خروج قويه ،،

خلي بالك الكلام ده عاي المدي المتوسط علشان تبقي فاهم الصوره بشكل صحيح

ولكن لو بنتكلم علي المدي القصير وكمضارب اشاره خروجك كانت بتاكيد الاغلاق اسفل 11850 ،،، تمام كده

طيب المؤشر حاليا وصل لمناطق دعم علي المدي القصير حول المستويات 11574 الي 11512 ، من المرجح الارتداد منها لاعاده اختبار مستويات 11850 ،،،

وقد يرجح هذا وصول موشرات العزم علي التدريج اليومي الي مناطق التشبع البيعيي مع وجود اشاره انعكاس

طيب في حاله المؤشر وصل لمستويات 11850 ولم يستطع الاغلاق فوقها وارتد من عندها هبوطا ،،، خلي بالك في الحاله ديه بيكون اشاره سلبيه بترجح استمرار الهبوط بل وترجيح كسر مستويات 11440

مؤشرات العزم علي التدريج الاسبوعي بترجح استمرار الهبوط وان اي صعود حالي علي التديرج اليومي هو صعود تصحيحي،،،

كده انت فاهم الصوره بشكل محايد ومعاك المستويات والشروط وتاكيد كل اتجاه ،، يبقي فاضل انك الاول تحدد انت مضارب ولا مستثمر وبناء عليه تعرف ازاي حتتصرف مع السيناريوهات ديه ….!