☆التقرير الأسبوعي لمؤشرات البورصة المصرية ☆

المؤشر الثلاثيني EGX30

أولا ..لو لم تري التقرير السابق “فيديو” من الأفضل ان تشوفه الأول قبل تكمله التقرير الحالي ، علشان تعرف سياق الكلام وتفهم الصوره الكبيره

كما موضح بالشارت المرفق ،، حتي الان المؤشر محترم تماما ،، المستويات السعريه التي حددتها منذ فتره كبيره ،، وقولنا انها مستهدفات مرجحة للموشر الثلاثيني ،، وأيضا نوهت اكثر من مره انها تمثل كلاستر مقاومات قويه ،،من الصعب اختراقها بسهوله ،، خصوصا مع ضعف عزم الاتجاه الحالي

طيب المؤشر حاليا ،،بتحرك في نطاق عرضي ضيق مابين المستويات (12070 الي 11958)،،

يبقي اقرب دعم عندنا حاليا هو مستوي 11958 وهو من الممكن اعتباره مستوي وقف الخساير للمضارب قصير الاجل ،،

ثاني دعم عندنا هو كلاستر المقاومات الي اخترقه المؤشر خلال الفتره السابقه وبالتالي تحول الي مستويات دعم وهو المستوي 11850 ، كسر تلك المستويات والاغلاق اسفلها ،، هو تأكيد علي تغير الاتجاه وبالتالي يدفع المؤشر للهبوط مره اخري واعاده التجربة علي مستوي دعم القاع السابق عند مستويات 11440

طيب لو السيناريو المتفائل واللي حتي الان ترجيحه اقل هو اختراق مستويات 12070 ،، وقتها سوف يكون المستهدف كما موضح بالشارت هو المستويات 12292 الي 12388

خلي بالك مؤشرات العزم علي التدريج الويكلي أعطت اشاره Bearish reversal وده بيرجح السيناريو السلبي حتي الان

طيب خلينا نتكلم بشكل عملي وتطبيق ، ازاي اقدر استفيد من التحليل ده والأرقام اللي شرحناها

انا حقوللك كمثال مثلا انا عملت ايه ..

في الأول لازم تعرف نفسك ،،انت انه نوع من المتداولين ،، انا بعتبر نفسي swing trader يعني انا بشتغل علي المدي القصير ،، باخد في السوق سوينج صاعد وابيع علي مستهدف او عند تغير الاتجاه ،،تمام

انا كنت فاتح مراكز في السوق تقريبا من قاع ديسمبر الماضي ،، التحليل بتاعي بيقول اننا عندنا مستهدف للمؤشر عند المستويات 11850 لو تخطاها يروح الي 12070 ،، لما وصلنا للمستهدف الأول ،، وقتها بشوف الأسهم اللي معاياه وبتدي اقرب مستويات وقف الخساير ، وبتابع أي كسر للاتجاه في المناطق ديه سواء للاسهم او المؤشرات

تمام كده ،، وبعدين لما الموشر اخترق المستوي ده ووصل للمستهدف التاني ،، وقتها انا شوفت ضعف العزم واضح خلال السوينج الصاعد الأخير ،، في الحاله ابتديت اخفف من المراكز المفتوحة ،، وباقي المراكز قربت مستويات وقف الخساير علي الفريمات الأقل ،، وخرجت مع اول كسر او هبوط …

طيب انا حعمل ايه دلوقتي ،، ولا حاجة !! حراقب السوق وفقا للرويا اللي شرحتها فوق وحشوف وقتها اتجاه الموشر خلال الفتره القادمة وبناء علي المعطيات ابتدي اشوف فرص تانيه في السوق بحيث تتوافق مع استراتيجية الشغل الخاص بيا

خلاصه الكلام “دورك ووظيفتك الوحيده في البورصه انك تدور علي الفرص اللي الترجيح فيها يكون عالي ووتوافق مع استراتيجية شغلك ، مش انك تكون موجود في السوق طول الوقت لانك لو بتعمل كده اكيد المحصله النهائيه هي الخساره

اغلق المؤشر علي اسبوعي وشهري عند مستويات 11949 بنهاية جلسات الأسبوع الماضي

 

كما اشرت بالتقرير السابق ،،ان المؤشر مرجح لاستكمال الصعود بعد الاغلاق الايجابي اعلي مستويات 11675