مدونة

الدليل الشامل للخسارة فى اسواق المال

الدليل الشامل للخسارة في اسواق المال
المدونة

الدليل الشامل للخسارة فى اسواق المال

ايوه …زى مأنت قرأت كده….

انا حقولك على كل إللى انت بتعمله علشان تخسر فى البورصة وأسواق المال …وعامل نفسك ميش واخد بالك 

1-ادخل اى صفقة بدون تحديد سعر وقف الخسارة .

2- خليك على قناعة ان السوق هو السبب فى خسايرك وان كل الظروف ضدك علشان تخسر .

3- اتبع نفس طريقتك فى التداول زى ما هيه بدون تغيير أو تطوير .

4- اوعى تسجل نتائج صفقاتك …ولا تحلل أسباب خسايرك .

5- راهن على سهم واحد واشترى بكل السيولة…علشان عليه اخبار جامدة .

5- لا تتبع اى خطة أو استراتيجية فى التداول …

6- لا تخرج من السوق عند تحقيق الخسارة ،وقول لنفسك ديه خسارة على الورق طالما لم ابيع .

7- استخدم كل ما تعرفه من مؤشرات وطرق تحليل مختلفة بدون حتى فهم لطريقة عمل وحساب تلك المؤشرات وشروط استخدامها.

8- تابع المنتديات والجروبات وامشى ورا التوصيات وكلام الهوامير…من غير ما تكون فاهم اى حاجة .

9- ارفع سقف توقعاتك فى الأرباح علشان تضاعف المحفظة…وما تبيعش عند تحقيق أرباح طمعا فى المزيد.

10-احتفظ بأسهمك الخاسرة على أمل أن ترتفع وبيع الاسهم الرابحة خوفا من الهبوط. 

11- اعمل متوسطات من سهمك الخاسر …بدل ما توقف الخسارة .

12-  افتح صفقاتك فى اسهم فى اتجاه هابط …علشان سعر  السهم رخيص وعمل قاع جديد .

طبعا كل الأفعال ديه ….المتداولين بيعملوها…وهما على قناعة انهم ماشين فى السكة الصح 

راقب أفعالك وتصرفاتك …وتخلى عن عاداتك القديمة إللى كانت سبب فى خسايرك …وابدأ من جديد فى بناء شخصية المتداول الناجح