☆التقرير الأسبوعي لمؤشرات البورصة المصرية ☆

التقارير الفنية الأسبوعية لسوق الأسهم المصري

☆التقرير الأسبوعي لمؤشرات البورصة المصرية ☆

☆التقرير الأسبوعي لمؤشرات البورصة المصرية ☆

🔹المؤشر الثلاثيني EGX30🔹

في الأول كده نركز كده مع بعض علشان الفتره اللي جايه اهم فتره في تحديد الاتجاه القادم

مرفق في الصورة شارتين واحد شارت المؤشر الويكلي والأخر علي التدريج اليومي

*التدريج الأسبوعي*

زي ما قولنا قبل كده ،، ان المؤشر من قاع 8113 صاعد بموجة تصحيحية كما هو موضح بالشارت

والمؤشر الان بيعمل في الضلع الثالث  الصاعد من تلك الموجة من قاع 9769 الي الان (اعلي نقطة وصلناها هي 12069)

بعد ما نخلص الموجة الصاعدة الحالية  غالبا حنشوف هبوط قوي يمتد لعده اشهر (حنحدد مستهدفه لاحقا)

كده انت حاطط الصورة الكبيرة والسيناريو المرجح ده في دماغك

طيب دلوقتي ،،احنا عايزين نعرف هل خلصنا الموجة الصاعدة الحالية من قاع 9769 ؟؟

وهل انتهت بتكوين قمة 12069 ؟؟

الإجابة : حتي الان لم يتأكد هذا السيناريو

الأول خلينا نقول السيناريوهات الإيجابية او المستهدفات لانتهاء تلك الموجة الصاعدة

اول مستهدف انا كنت قولته قبل كده هو مستويات 12075 وده اللي المؤشر وصله وبدانا نشوف تراجع من عنده

وده اللي انا كنت محدده ليك قبلها بشهر واكثر في التقارير السابقة !

طيب ايه اللي يثبت ان المستوي ده هو القمة حتي الان طالما المؤشر لم يكسر مستويات 11179 ،، لم يتم التأكيد

-ثاني مستهدف مرجح هو مستويات حول 12420

-ثالت مستهدف هو الاقصي في الوقت الحالي هو مستويات 13275

تمام كده ،، تعالي بقي نبص علي الصوره الأقرب علشان المؤشر واقف فين حاليا

مبدئيا مؤشرات العزم أعطت اشاره انعكاس إيجابي مع وصول المؤشر الي مستويات دعم حول المستويات الحالية

يبقي زي ما قولت قبل كده احنا جاهزين نعمل دوره صعود ويكلي قد تستمر من تلات الي اربع أسابيع

يبقي نتابع المؤشر خلال الصعود المتوقع خلال القتره القادمة لاستمرار الصوره الايجابيه والوصول للمستهدفات اللي قولناها فوق

لابد ان الموشر يتجاوز قمة 12069 ،، (وذه اللي بيرجحه شارتات التجاري الدولي والأسهم القيادية)

طيب لو ده محصلش ولاقينا المؤشر بيتحرك بشكل عرضي الي اعلي ولم يستطع كسر القمة ،، يبقي خلي بالك كده اشاره سلبيه وفي الحاله ديه ممكن نعمل قمه اقل ونرجع نكسر القاع السابق وناكد تحقق القمة عند 12069

تمام كده !! عرفت ليه بتقول الفتره القادمة مهمة جدا لتحديد الاتجاه القادم

⇐ طيب تعال نبص علي المؤشر علي التدريج اليومي

شوف كده الشارت المرفق (EGX 30 Daily Chart)

زي ما واضح بالشارت ، المؤشر وصل لمنطقة دعوم حول مستويات وكلاستر الدعوم (11338-11384) وحقق قاع مؤقت حول مستويات 11320 وارتد منه صعودا

وده المستوي اللي حنعتبره وقف خسائر واشاره انذار مبكره في حاله اعاده الاغلاق اسفله مره اخري

يبقي مطلوب من المؤشر خلال الفترة القادمة تجاوز القمة عند مستويات 11720 ومن ثم اعاده التجربة مره اخري علي مستويات 12069 ووقتها نشوف السلوك السعري للمؤشر مع عزم الاتجاه لتحديد وترجيح الكسر من عدمه

تمام كده ،، اظن انك كده فاهم الصورة بشكل أوضح وعارف ايه هو المرجح والسيناريوهات المتوقع محدده بشروط ومستويات التفعيل

اقرأ التقرير اكتر من مره مع الشارتات المرفقه لغايه لما تفهم كل كلمة بوضوح ،،

 

 
☆إخلاء المسئولية☆
هذه الرؤية الفنية وما بها من معلومات مجرد وجهة نظر شخصيه في اعتقادي أنها عادله ودقيقه ومبنية على أسس التحليل الفني، وهي لا تعد توصية بالشراء والبيع او اتخاذ اي قرارات استثمارية أو وعد بتحقيق أرباح مؤكدة.
 
 
بالتوفيق والأرباح للجميع 🥰🥰
 
Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Click outside to hide the compare bar
Compare
Wishlist 0
Open wishlist page Continue shopping