مدونة

مخاوف التداول… ليه بتكون خايف وقلقان أثناء التداول

المدونة

مخاوف التداول… ليه بتكون خايف وقلقان أثناء التداول

أزاى تقدر تتغلب على مخاوف التداول…؟؟؟؟

كل مرة تيجى تدخل السوق او بتنفذ صفقة بتحس بمشاعر مختلفة منها الخوف والقلق او عدم اليقين وكثير من التوتر ….صح ؟؟؟

طيب انت خايف من ايه ..؟؟ وبتفكر في ايه …؟؟؟قبل ما تنفذ صفقتك او بعد ما تنفذها وانت حاطط ايديك على قلبك ومتنح في  الشاشة…🙄 بتشوف اتجاه السهم بعد شرائك أو حتى بعد ما تبيعه

خليك كده واحدة واحدة معايه لأخر البوست…👇👇

حنتعرف مع بعض على كل مخاوفك اثناء التداول وازاى تقدر تتغلب عليها🤗🤗

1-      خايف من المجهول

ميش عارف انت اشتريت او بعت سهمك على انه أساس   …(اصل فلان وصى بالسهم او فيه اشاعة أو أخبار  عليه)

الحقيقة خوفك ده علشان انت ميش عارف حقيقة التداول او اسواق المال ..

👈الحل : حل خوفك ده هو المعرفة والعلم ….ايوه لازم تبقى فاهم وتقرأ كتير عن التداول والبورصة وأسواق المال عموما علشان على الأقل قرار شراءك او بيعك يكون مبنى على أساس يمنحك الطمأنينة…🤗🤗

2-      خايف ان تكون غلط او خايف من الخسارة🥵

بعد ما تنفذ صفقتك في السوق بيجيلك إحساس انك ممكن تكون اتسرعت او انك تكون غلطان فتخسر !!!

👈الحل : قبل ما تنفذ اى صفقة في السوق لازم تكون محدد وقف الخسارة وملتزم بتطبيقها في حالة السوق مشى عكس اتجاه صفقتك…🤨

وتبقى عارف ومحدد المبلغ اللى ممكن تخسره لو الأستوب بتاعك اتكسر …طيب كده انا متقبل الخسارة ديه لا قدر الله لو حصلت يبقى ايه الداعى للخوف….😀😀

انت حاطت كل الاحتمالات ومتقبل اسؤها …يبقى اشتغل بمزاج بأه ومن غير خوف💪💪

3-     خايف انك تضيع فرصة في السوق🧐

ساعات بتبقى متابع السوق وشايف سهم مؤشراته كويسة وعاجبك ولكن مستنيه عند سعر معين ….🧐🧐

ومن خلال متابعتك لشاشة شوفته اتحرك لأعلى قبل ما يوصل للسعر اللى انت مستنيه ….طبعا انت ساعاتها قلت خلاص ده كده حيطلع ومش الحق اشتريه…

تقوم تخش تشتريه بعد ما اتحرك لفوق ….😎

وبعدين السهم ما تحركش كتير ويوصل لمقامة ويبدأ يرتد هبوطا ..

وممكن خلال الذبذبة ديه حضرتك تقلق وتخاف وممكن تطلع من الصفقة خسران بسبب خوفك من ضياع الصفقة😡😡

👈الحل : انت لازم تلتزم بخطة التداول الخاصة بيك التزام تماما …

انت متابع سهم و عايز تشتريه ومحدد له سعر بناء على تحليلك للسهم …يبقى تلتزم بالسعر ده وتحط امر الشراء ..ولا تتأثر بحركة الأسعار على الشاشة📈

حتى لو السهم منزلش لسعرك ….مفيش مشكلة خالص السوق ميش حيخلص , شوف غيره🤔🤔

الفكرة انك تكون ملتزم بخطتك ولا تترك نفسك لمشاعرك تتحكم  فيك وتكون حركة الأسعار على الشاشة هي المحرك لقرارتك في السوق😉😉

4-     خايف من ضياع  الربح..

ساعات بتكون معاك سهم ومحقق ربح ..تمام انت كده زى الفل…👌

ولكن سيادتك طبعا خلال متابعتك للشاشة وحركة السهم على شاشة الأسعار ..واثناء اى رميه في السهم ..تقوم سيادتك تخاف من السهم يقلب عليك وتخسر مكسبك

تقوم طبعا تبيع بمكسب قليل …وبعدها السهم يلم تانى ويطلع ويحق قمم جديدة🙄🙄

وطبعا لسان حالك هو انا كل ما ابيع سهم يطلع ويجرى لفوق …. ايه النحس ده 😰😰

لكن الحقيقة ان خوفك من ضياع ربحك البسيط او تحقيق الخسارة خلاك تبيع بدرى☹

👈الحل : اى سهم انت بتشترى زى ما بتحدد وقف الخسارة ,,, لازم تحدد مناطق المقاومة المحتملة وتبتدى تجنى بعض من ارباحك …

تمام كده طيب وباقى اسهمى ابتدى ارفع الستوب بتاعى واحركه لفوق مع تحرك السهم وده بنسميه التريلنج استوب (حنعمل بوست مخصوص عن الموضوع ده )✍✍

 خطة التداول الخاصه بيك لازم ان تشمل كل النقاط السابقة 

انا قولتلك على كل اللى بتخاف منه او بتفكر فيه اثناء التداول ..وقولتلك ازاى تتعامل مع مخاوفك وايه الحل للتغلب عليها….💪💪

دورك انت انك تبتدى تتعلم وتفهم ..👌👌

اترك تعليقك

لن يتم نشر عنوان بريدك الإلكتروني.