مدونة

خطة التداول (Trading Plan)

المدونة

خطة التداول (Trading Plan)

بعد ما سيادتك تقرأ وتفهم يعنى ايه تداول وتتعلم اساسيات التحليل فنى وتتعرف على المدارس المختلفة للتحليل الفنى …

كده انت بقى عندك معرفة ومعلومات كتير عن حركة الاسهم والأشكال والأنماط السعرية للاسهم  ودورتها وطرق التحليل الفنى المختلفة…

فاضل ايه …؟؟ فاضل أننا نوظف كل إللى اتعلمناه  علشان نكسب من السوق ونحقق أرباح..

دايما المعرفة فى حد ذاتها ليس لها فائدة اذا لم تطبق بشكل صحيح…. علشان تبقى متداول ناجح ومحترف فى أسواق المال لازم  يكون عندك خطة التداول…..

وعلشان تبنى خطة تداول ناجحة وتناسب شخصيتك لازم تسأل نفسك  #سبع أسئلة#… وإجابتك عليهم حيكونوا هما حجر الأساس للخطة بتاعتك

– انت بتداول فى انه سوق ؟؟؟

يعنى انت شغال ومهتم بالتداول فى أسواق الأسهم أو أسواق العملات ولا أسواق المعادن والبضائع….

يبقى اول حاجة تحدد السوق إللى انت مهتم بالتداول فيه…

– انت شغال تداول على اى تدريج زمنى (Time Frame)  ؟؟؟؟

يعنى انت بتحب التداول على فريم اليومى (قصير الأجل ) ولا فريم الاسبوعى (متوسط الأجل ) ولا حتى الفريم  الشهرى (طويل الأجل )  أو انك بقى متفرغ للتداول وشغال على فريم اقل من يوم (قصير الأجل جدا)

اجابتك على السؤال ده يتحدد شخصيتك فى التداول وكمان الوقت إللى انت مخصصه للمتابعة والتداول 

وطبعا كل واحد من دول بيكون له استراتيجية مختلفة للتداول 

– ما هو مقدار المخاطرة إللى انت شغال بيها  وتقدر تتحملها (Risk Fraction) ؟؟؟؟

وده يندرج تحت إدارة المخاطر Risk Management    اللى اشارنا له قبل كده …

يعنى انت تقدر تتحمل خسارة اد ايه فى كل تريدة أو عمليه فى السوق …

وديه بتكون نسبة من رأس المال ….وبالنسبة لك كمبتدأ  لا تجازف بأكثر من نسبة بريسك ١% من رأس المال …

لو افترضنا أن محفظتك ١٠٠ الف…يبقى انت محدد أقصى خسارة ممكن تخسرها فى كل عملية هى ١٠٠٠ جنيه فقط .

–  ماهى شروط  التداول الخاصة بيك (Setup) ؟؟؟؟

يعنى انت بتداول مع الترند ولا بتداول فى المناطق العرضية ولا شغال الاتنين مع بعض …ولا بتخش السوق فى الارتدادات فقط…..لازم تبقى عارف انت تتبع انه مدرسة من من مدارس التحليل الفنى (حنوضح ده فى بوست منفصل)

– ما هى إشارات الشراء بالنسبة لك ؟؟

هل انت بتشترى فى حالات التراجعات (pull back)  ولا بتشترى لما بيحصل الاختراقات لمناطق المقاومة (breakout) 

وهل بتشترى بسعر السوق ولا بتكون محدد سعر الشراء. 

– فين حتضع أمر وقف الخسارة (stop loss) ؟؟؟

مينفعش تخش اى تريدة من غير ما تكون محدد سعر وقف الخسارة 

ولتحديد سعر وقف الخسارة بتسأل نفسك هو ايه السعر إللى السهم لو وصله ينتفى معه سبب دخولك..يعنى التريدة تفشل وتكون احتمالات هبوط السهم اكتر بكتير من احتمالات صعوده…

– ما هو سعر خروجك من الصفقة؟؟؟

لو الدنيا مشت معاك تمام والصفقة اتحركت فى اتجاهك لازم تكون محدد قبلها سعر جنى الأرباح profit target 

وعلشان تحدد السعر ده لازم تكون محدد مناطق المقاومات الخاصة بالسهم ..

لو قدرت تجاوب على الأسئلة ديه …تبقى انت كده رسمت لنفسك خطة التداول الخاصة بيك..

ويبقى الخطوة إللى بعدها انك تشوف النتائج وبعدين تطور فى الخطة 

“”Plan The Trade then Trade The Plan””

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Click outside to hide the compare bar
Compare
Wishlist 0
Open wishlist page Continue shopping