مدونة

استراتيجية المتاجرة أثناء حالة الترند

المدونة

استراتيجية المتاجرة أثناء حالة الترند

طبعا من العنوان انت فكرت ان الموضوع سهل ..مش محتاجة يعنى استراتيجية.

أشترى في اى نقطة أثناء صعود السوق وابيع في القمة واطلع كسبان..

الحقيقة ده اللى انت بتتمناه او بتتخيله ولكن الواقع بيقول 

ان معظم المتداولين بتشترى اثناء الصعود ..ما هو السوق اب ترند وكله كسبان …وتفضل متواجد في السوق لغاية ما الترند يقلب عليك هابط وسيادتك محتفظ على امل الأرتداد واستكمال الترند الصاعد..

وتكون المحصلة في النهاية ارباحك تحولت الى خسائر وتطلع خسران

وطبعا ترجع تعيد الكرة من تانى !!!

كلنا عارفين المقولة الشهيرة “Trend is you Friend ” “اجعل الترند صديقك” ومعناه ان افضل أنواع المتاجرة هي اثناء وجود ترند واضح وقوى للسوق

الكلام ده جميل جدا وصح جدا ولكن ناقص حقيقة مهمة جدا وهى “Trend is your Friend Till it End”
“أجعل الترند صديقك الا ان ينتهى”

يعنى المتاجرة اثناء الترند لالصاعد القوى تححق نسب ربح جيدة ولكن لابد م الخروج من السوق قبل انتهاء الترند وتحوله الى ترند هابط..

حتى الأن الكلام جميل ولكن ازاى اقدر اترجم الكلام ده الى خطوات اقدر استفاد منها واطبقها بشكل عملى في السوق.

في الأول علشان نفهم الموضوع بشكل صحيح محتاجين نجاوب على شوية أسئلة مع بعض ….

1-ماهى مميزات المتاجرة اثناء الترند ؟؟

– من افضل المميزات للمتاجرة مع الترند ..انه بيعطنى نسبة ربح جيدة واعلى من لو تاجرت عكس الترند.

– تانى حاجة المتاجرة مع التند بتمنحنى نسبة ربح /مخاطرة جيدة جدا (Risk/Reward) , بمعنى مقدار الربح الممكن تحقيقه اعلى بكثير من مقدار المخاطرة.

خلينا نشوف كده مثال للتوضيح شارت (1)

 

2– أزاى اقدر أحدد حالة الترند (الصاعد كمثال )

زى ماهو معروف عند كثير من المتداولين … ان الترند الصاعد بيتكون من قمم اعلى وقيعان اعلى…

كلام صحيح جدا ولكن فيه إشكالية صغيرة … في حالة تكون قمم اقل وقيعان اقل …اثناء الترند الصاعد على نفس الفريم الزمنى انت ممكن تقول ان الترند تحول الى هابط

ولكن الحقيقة ان النرد الصاعد يستكمل الصعود بعد ما تكون بنيت قرارك على الافتراض ده

طيب ازاى اقدر اتغلب على الإشكالية ديه ؟؟؟

باستخدام المتوسط المتحرك 200 …

اذا كانت الأسعار تتداول فوق المتوسط المتحرك 200 واتجاه يشير الى اعلى ده كده معناه ان الترند مازال صاعد على اللونج تيرم…

مثال توضيح انظر شارت (2)

حاجة مهمة جدا لابد ان تعرفها ….

حالة الترند ممكن تختلف بأختلاف التدريج الزمنى
يعنى ايه الكلام ده

يعنى انت ممكن تحدد حالة الترند على الويكلى انه ترند صاعد تمام ولكن اذا احولنا التدريج الزمنى الى شارت يومى حالة الترند ممكن ان تكون هابطة.

ولذلك مهم جدا جدا …اذا اختارت تدريج معين للمتاجرة عليها وحددت الترند على ااساسه لا تغير التدريج الزمنى كل مرة اثناء التداول.

بمعنى لو افترضنا اننا بنحلل سهم على التدريج اليومى الترند صاعد واخدنا إشارة شراء تمام وانا مازلت داخل الصفقة …
ثم حولت الشارت الى تدريج زمنى ساعة مثلا او اقل …ولاقيت الترند هابط واعطانى إشارة خروج .اقوم خارج من السوق !!!

طبعا ده خطأ كبير بيقع فيه الكثير من المتداولين ….اى سهم دخلت فيه بناء على إشارة وسيت اب معين وتيم فريم معين إشارات خروجك او الستوب لوس بتحدد على نفس ظروف دخولك…
تمام كده …

تمام كده….😀حلو الكلام …👌
فى البوست القادم حنكمل باقى الاستراتيجية

في البوست السابق وضحنا أهمية المتاجرة أثناء وجود ترند صاعد وواضح للسوق وكمان عرفنا ازاى نحدد الترند بأكثر من طريقة.
(من فضلك ارجع للبوست السابق علشان نتابع في نفس السياق) 

انهاردة عايزين نجاوب على السؤال التالت

3– ماهى أنواع الترند ؟؟

خلى بالك انا لا اقصد هنا أنواع الترند “ترند صاعد او ترند هابط “

ولكن لو كان الترند صاعد هل له له أنواع وهل كل الترند الصاعد تتشابه في الأداء والقوة ؟؟؟
وازاى اقدر استفيد من التصنيف ده ؟؟

والحقيقة ان الاجابة على السؤال ده مهم ان يعرفها كل متداول محترف في السوق لانها بتفرق معاه جدا في طريقة المتاجرة والدخول والخروج من الصفقات وكمان فى مقدار الريسك المناسب لكل حالة…

مبدئيا طبعا كلنا عارفين ان الترند الصاعد يتكون من قمم اعلى وقيعان أعلى ..ولكن ليس كل الترند الصاعد تتشابه في الأداء وا لقوة…

يوجد ثلاث أنواع من الترند لابد ان تعرفها (خلى بالك كلامنا هنا حيكون على الترند الصاعد ولكن القاعدة تتطبق أيضا على الترند الهابط )

🔹 Strong Trend (الترند القوى )

في حالة الترند الصاعد القوى طبعا المشترين يكونوا هم المتحكمين بحركة االأسعار لأعلى لتكوين قمم اعلى , وتكون التصحيحات اثناء الترند الصاعد القوى صغيرة وبسيطة نتيجة تبديل المراكز او جنى طفيف لبعض الأرباح .

وفى الغالب تكون الأسعار فوق MA 20 المتوسط السعر ى 20 .

🔹 Healthy Trend (الترند المتوسط والمعتدل )

وفى هذا النوع من الترند نلاحظ ان المشتريين يكونوا أصحاب اليد العليا معظم الوقت لتكويين قمم اعلى ولكن أحيانا البائعين يتحكموا وييضغطوا على الأسعار لتكوين تصحيحات واضحة اثناء الصعود نتيجة عمليات جنى الأرباح.

ونلاحظ في هذا النوع من الترند غالبا الأسعار تكون فوق المتوسط المتحرك 50 (MA 50) واثناء عمليات جنى الارباح لتكوين القيعان تلامس السعار المتوسط المتحرك 50

🔹 Weak Trend (الترند الضعيف )

وفى هذا النوع من الترند الضعيف مازال السوق ترند صاعد ولكن في حقيقة الصراع بين المشترين والباعئين تكون متساوية في كثير من الأحيان مع وجود افضلية للمشترين أحيانا مما يسمح بتكوين قمم اعلى.

ومن الملاحظ في هذا الترند ان التصحيحات تكون قوية الى حد كبير وأيضا تكون تصحيحات مركبة .

بعد ما عرفنا أنواع الترند وازاى اقدر افرق بينهم …محتاجين نجاوب على السؤال الرابع

 

4– ماهو أفضل وقت لدخول الصفقات اثناء الترند ؟؟

اى صفقة بندخلها في السوق في الغالب بتكون اما اثناء التصحيح (pullback) او في حالة اختراق القمة السابقة (Breakout )

واستنادا للتصنيف اللى عملناه فوق يبقى كل نوع من الترند له طريقة للدخول ازاى ؟؟؟

🔹 في حالة Strong Trend (الترند القوى )

عندما يكون الترند الصاعد قوى فأنه من الصعب الدخول اثناء البولباك ..لان حركة التصحيح بتكون سريعة والأسعار بترتد سريعا لأستكمال الصعود.

وللذك انسب طريقة للدخول في هذه الحالة على أساس الأختراق للقمة للسابقة (Breakout )

من فضللك انظر الشارت 1 لمزيد من التوضيح🔍

 

🔹 في حالة Healthy Trend (الترند الصحيح والمعتدل )

نلاحظ ان عمليات التصحيح وتكوين القيعان في هذا النوع من الترند بتكون بالقرب من المتوسط المتحرك 50 (50 MA )
ولذلك في هذه الحالة بيكون قرار الدخول على أساس البولباك بالقرب من المتوسط المتحرك 50

من فضللك انظر الشارت2 لمزيد من التوضيح 🔍

 🔹في حالة Weak Trend (الترند الضعيف )

كما وضحنا سابقا ان في هذا النوع من الترند تتحرك الأسعار اغلب الوقت بين مناطق المقاومة والدعم … ولذلك افضل نقاط الدخول تكون بالقرب من مناطق الدعم.
(يوجد على الصفحة بوست لشرح كيفية المتجرة بأستخدام مناطق المقاومة والدعم )

نلاحظ أيضا في هذا لنوع من الترند ان التصحيحات في الغالب تتعدى مستوى المتوسط المتحرك 50 

من فضلك انظر الشارت 3 لمزيد من التوضيح 🔍

تمام كده….😀حلو الكلام …👌
فى البوست القادم حنكمل باقى الاستراتيجية …

يلا طبقوا الكلام إللى فى البوست على الشارتات …
واكتبوا اى استفسار …علشان نتناقش مع بعض …

#Ahmed_Moussa

في البوستات السابقة تعرفنا على أنواع الترند وتصنيفه على أساس قوته 
وكمان عرفنا ماهى افضل الطرق للمتاجرة والدخول في الصفقات على أساس كل نوع ..
كده فاضل حاجة مهمة جدا وهى الاجابة على السؤال الخامس في الأستراتيجية

 

5– ازاى اقدر احدد نقاط وقف الخسارة في حالة الترند الصاعد؟؟

عندنا هنا ثلاث طرق فعالة جدا لتحديد نقاط وقف الخسارة (Stop loss)

🔹 المتوسط المتحرك (Moving Average )

زى ما عرفنا قبل كده ان كل نوع من الترند في الغالب بيحترم نوع معين من المتوسط المتحرك وبيتداول أعلاه

👈مثال في حالة Strong Trend (الترند القوى )

في هذه الحالة نلاحظ ان الأسعار تحترم المتوسط المتحرك 20 (MA 20) ولذلك الاستوب بتاعى في هذه الحالة هو الأغلاق اسفل المتوسط المتحرك 20
(ننتظر تأكيد الأغلاق وهو اغلاق شمعة كاملة اسفل المتوسط المتحرك )

من فضللك انظر الشارت 1 لمزيد من التوضيح🔍

👈وبالمثل أيضا في حالة Healthy Trend (الترند الصحيح والمعتدل ) ننتظر الأغلاق اسفل المتوسط المتحرك 50

🔹 السلوك السعرى (Market Structure)

زى ماكلنا عارفين ان الترند الصاعد بيتكون من قمم أعلى وقيعان أعلى …
يبقى عند انتفاء هذا الشرط بيكون الترند توقف وممكن ان ينعكس وفى هذه الحالة نطبق وقف الخسارة … أزاى ؟؟
👈يتم وضع الاستوب اسفل اخر قاع , وفى حالة الأغلاق اسفله بشرط تطبيق شروط الأغلاق…👌

من فضللك انظر الشارت 2 لمزيد من التوضيح🔍

🔹️ الترند لاين (Trend Line)

وفى هذه الحالة نستخدم الترند لاين كأداه فعلاة لتطبيق وقف الخسارة ,
ولكن في البداية لابد من رسم الترند لاين بطريقة صحيحة (انصحك بمراجعة البوست الخاص بالترند لاين على الصفحة , سوف يتم وضع اللينك في التعليقات )

بعد ما رسمنا الترند لاين بطريقة صحيحة بين القيعان في الترند الصاعد , يتم تفعيل الأستوب وذلك بالأغلاق اسفل الترند الصاعد المرسوم وتأكيد الأغلاق اسفله..

من فضللك انظر الشارت 3 لمزيد من التوضيح 🔍

كلام جميل تمام ….اخر سؤال في الأسترتيجية وهو اهم سؤال …

 

6– اين اجنى أرباحى (Take Profit ) ؟؟؟

مهم جدا في اى أستراتيجية انى اقدر احدد مناطق جنى الأرباح ,,,
ولابد من ملاحظة مهمة في هذه الحالة وهى فكرة انك تقسم مناطق جنى الأرباح على الأقل الى جزئين…

وفى هذه الحالة ممكن نجنى جزء من ارباحنا عند وصول السعر بالقرب من القمة السابقة في الترند … انا شخصيا ببدأ بجنى 1/3 الكمية عند القمة السابقة
واحتفظ بباقى الكمية …طول ما الترند الصاعد محافظ على شروط الاستمرارية زى ما عرفنا سابقا ..

او بمعنى اخر احتفظ بباقى الكمية مع تطبيق نقاط وقف الخسارة المشروحة بالأعلى ,, وبذللك تستطيع ان تحقق المزيد من الأرباح طول ما الترند فعال الا ان يثبت العكس …

اعتقد اننا غطينا معظم النقاط الهامة في الاسترتيجية …
من فضلك اعد قراءة البوستات السابقة جيدا وابدأ طبق الخطوات على امثلة على الشارت وشوف كده نتائج الإيجابية لنجاح تلك الأسترتيجية…

وشارك معانا لو فيه اى استفسار ..اسأل خلينا تناقش ونستفاد من بعض

بالتوفيق والنجاح والأرباح ….🤗🤗

#Ahmed_Moussa

 

اترك تعليقك

لن يتم نشر عنوان بريدك الإلكتروني.

Select the fields to be shown. Others will be hidden. Drag and drop to rearrange the order.
  • Image
  • SKU
  • Rating
  • Price
  • Stock
  • Availability
  • Add to cart
  • Description
  • Content
  • Weight
  • Dimensions
  • Additional information
  • Attributes
  • Custom attributes
  • Custom fields
Click outside to hide the compare bar
Compare
Wishlist 0
Open wishlist page Continue shopping